SET D
EROTIKA
OVERVIEW OF
LANTAW
Ang "Lantaw" ay isang salitang Bisaya na ang ibig sabihin ay tignan, masdan, o pansin. Bilang isang pandiwa, nangangahulugan din itong to foresee, to observe, to keep an eye on, at to overlook sa wikang Ingles. Sa paggamit ng salitang ito, ginagamit ng isang tao ang paningin o mata upang makita nang lubos ang isang detalye, imahen o pangyayari. Sa konteksto ng produksyong ito, nangangahulugan ang Lantaw sa iba't-ibang magkakaugnay na pananaw:
1. Maiuugnay ito sa etimolohiya ng salitang teatro o theatre na mula sa salitang Griyegong "theatron" na ang ibig sabihin ay a pace for seeing. Sa kasalukuyan, nagkaroon ng ibang pagpapakahulugan ng teatro at kung paano ginagamit ang ibang espasyong digital upang maging lunsaran ng mga naratibo at iba't ibang uri ng pagtatanghal.
2. Maiuugnay din ito sa proseso na pinagdaanan ng mga mag-aaral dahil nagkaroon sila ng ibang pamamaraan at konsepto sa kung paano buoin ang kanilang mga piyesa na adaptasyon mula sa mga orihinal na kwento ni G. Abdon Balde Jr. sa librong 100 Kislap.
3. Maiuugnay ito sa pagbuo ng kanilang mga piyesa na kunq saan ay nagkaroon sila ng oportunidad na silipin aftignan ang ibang kontekstong kinagagalawan ng lipunan sa pananaw ng kanilang mga karakter.
4. Maiuugnay din ito sa mataas at malalim na proseso ng paglikha dahil isa itong pagtatanghal binuo gamit ang ibang implikasyon sa pagbuo ng materyal, pagsulat ng monologo, adaptasyon sa teatro, at paggamit ng ibait-ibang kasangkapan sa pagbuo at pagganap ng karakter.
MULA SA DIREKTOR
Ang LANTAW 2022 ay isang sinusubok na proposiyon sa pagkakaugnay ng disiplina ng acting at dramaturgy. Sa sinimulang pag-aaral ni Patricia D. Rodley taong 2014, sinilip at sinuri niya kung paano nagkakaroon ng malaking gampanin ang disiplina ng dramaturgy sa paghulma sa proseso ng pagganap at pagtatangal ng isang aktor.
Sa produksyong ito, sinubok ng mga mag-aaral ng Batsilyer ng Sining Pagtatanghal ang pagkakaugnay ng dalawang disiplina na dumaan sa mga sumusunod na proseso: pagsasakonteksto at pagbuo ng adaptasyon ng pinagmulang materyal, pagsulat ng sariling manuskrito halaw sa orihinal na materyal, pagbuo sa naratibo at mundo ng karakter, pag-aanalisa ng karakter, pananaliksik sa mundo ng karakter at sa kaligiran ng materyal, at pagsinop sa mga sangguniang tumulong upang mahulma ang kanilang mga pagtatanghal.
Hindi pa man ganoon kalinis ang produksyong ito dahil sa ilang mga limitasyon ngunit isa itong hakbang upang masimulan ang sinusubok na proposiyon sa pamamagitan ng patuloy na paghulma sa proseso ng pagganap sa lente ng dramaturhiya at kung paano nito binabalanse ang teorya at praktika sa disiplina ng pagtatanghal.
MULA SA MANUNULAT
Si Abdon M. Balde Jr. ay Komisyoner ng Komisyon sa Wikang Filipino na kumakatawan sa Wikang Bikol mula 2013 hanggang 2019. Dati siyang Tagapangulo ng Unyon ng mga Manunulat sa Pilipinas (Writers Union of the Philippines). Isa siya sa mga tagapagtatag ng Filipinas Copyright Licensing Society. Board Member ng Wikang Kultura at Agham, kasapi ng Philippine PEN, at ng Kabulig Bikol Writers Organization: Tatlong taon siyang naging consultant ng National Bookstore. Marami siyang kuwento at tula na nailimbag sa Liwayway, sa Ani Series ng Cultural Center of the Philippines, Likhaan at Sawikaan journal ng UP, Graphic Magazine, at iba pang texbook at journal. Itinanghal siyang Albay Poet Laureate ng Albay at nahirang na Puno ng Historico-Cultural Unit ng Probinsiyang Albay. Kasalukuyan siyang konsultant sa ikalawang Congressional District ng Albay.
Ang KISLAP ay kuwentong isang iglap. Ngunit malawak ang paksa, waling hangganan ang panahon, walang dulo ang mundo. Kagyat mang natapos ang salaysay ay malimit na hindi halos matuldukan ang huling salita. Sa librong ito ay inilunsad ko ang KISLAP bilang kuwentong maaaring umabot, maaaring hindi, ngunit hindi hihigit sa 150 salita.
Kislap sa madilim at masalimuot na buhay ng tao. Kislap no naglarawan sa isang daigdig, dito at so kalawakan. Kislap na tumatanglaw sa landas ng isang naliligaw. Kislap ng katotohanang naglalantad sa pagkukunwari. Kislap ng karangyaan na nag babalatkayong kasalaulaan. Kislap na nagpapasilip sa mga lihim na nagkakanlong sa madIdilim na lungga ng kasamaan. Kislap ng kagandahang nagkumahog umahon sa pangit na kaligiran. Nasa 100 KISLAP ang lahat ng uri ng kwento: pag-ibig at pagtataksil, unang pagtatagpo, pangungulila sa yumao, mga pangarap at pangitain, krimen at paghihiganti, kababalaghan at kabalbalan, ligaya at lumbay, katatwa at katawa-tawa, sarili at ibang daigdig.
Mula sa KISLAP ni Abdon Beide Jr. at inilimbag ng Anvil Publishing, Inc.
SYNOPSIS
Hindi madaling umibig sa mundong magulo, nakatutukso, at maraming itinatagong lihim. Samu't saring kwento, pananaw, at iba't ibang pagkatao ang iyong tutuklasin. Ngunit kung ikaw ay papalarin, hanggang saan mo ito kayang dalhin at ano ang mga bagay na maaari mo pang gawin?
Labintatlong kwento, labintatlong pagkatao ang magbubukas ng pintuan sa mundong makulay at kapana-panabik. Mga indibidwal na may kanya-kanyang pinaglalaban at may mga prinsipyong pinaninindigan. Mga pangyayaring siguradong aabangan dahil sa aspetong sumasalamin sa katotohanan. Pero gaano ka kahanda na ito ay matunghayan?
Ang mga kwentong ito ay naglalaman ng iba't ibang karakter na siyang magpapamulat sa atin sa iba't ibang uri ng realidad ng buhay. Mula sa babaeng sa murang edad ay pinasok na ang mundo ng pambubugaw, sa estudyanteng nahulog sa kanyang kaibigan, sa sirenang tagapagbantay ng ilog, sa babaeng may seksuwal na koneksyon sa isang mag-asawa, sa babaeng pulis, sa lalaking padalos-dalos ang isip sa pakikipagtalik, sa lalaking hindi naging matinong kasintahan sa kanyang minamahal, sa miserableng lalaking ginamit ang kanyang kasintahan noon ngunit nahanap ang saya dito ngayon, sa isang pedopilya, sa bayarang babaeng nahulog sa isa sa kanyang mga naging kliyente, sa bayarang babaeng may pangangailangan, sa call center agent at livestreamer na nahulog sa may asawa at may mga anak, at sa nanay na gagawin ang lahat para sa kanyang anak.
Ang labintatlong kontribusyon sa temang ito ay sumasaklaw sa malawak na hanay ng mga erotikong paniniwala at gawain. Talagang walang labag sa hangganan na nag-aalok sa mga manonood ng mga piyesang abot-langit ang nararating. Saksihan ang makulay na mundo ng mga karakter na hindi inatrasan ang hamon ng buhay. Mga taong hindi nagpadaig sa tawag ng kalamnan, at mga taong walang takot na hinarap ang mga kinatatakutan. Kaya't ano pang hinihintay mo? Kung ikaw ay naghahanap ng pampainit, halina't sumama ka sa aming mundong kaakit-akit.
MGA AKTOR
CLICK ON THE ACTOR'S IMAGE TO WATCH THEIR INDIVIDUAL PERFORMANCES
Catherine Legaspi as Digna
Si Catherine Grace ay isang estudyante at isang artista sa teatro. Isa siya sa mga gumanap na artista sa mga maikling pelikula na Moses Moses (2021) bilang ang bidang si “Regina” at 18 Fuckers (2021). Isa rin siya sa mga nagsilbing Production Manager sa radyo-dramang pinamagatang Justice On-Air (2021) at sa isang maikling pelikulang pinamagatang Sayaw, Nene (2021). Ang mga nasabing pelikula ay binuo sa kalagitnaan ng pandemya at ang ilan sa mga eksena ay kinunan nang walang bahid ng tulong, nagpapakita na kaya niya ang one-man production.
Pinili niya ang kursong ito dahil sa kaniyang malaking interes at pagmamahal sa pag-arte at pag-ganap sa iba’t-ibang mga papel na sumusubok sa kaniyang galing at pakikibagay sa mga katauhan sa bawat kwentong kanilang ipinapalabas. Ang kaniyang mga naging karanasan tulad ng role-playing, pagkanta, at pagsayaw sa mga programa sa paaralan ay naging malaking tulong upang marating sa kinaroroonan niya ngayon.
